diskriminasyon sa pagiging iska

mahigit na akong isang buwan sa aking unang trabaho at mahigit isang buwan na din akong nadedepress. mahigit isang buwan na din akong naghahanap ng bagong kaibigan. kung iisipin kong maigi, mahigit isang buwan na din akong nagmamaktol sa aking mga kaopisina, sa stressful na trabaho at malungkot na working environment. obviously, mahigit isang buwan na din akong umaayaw sa pagtratrabaho.

bukod sa kamangmangan ko sa pagiging empleyada sa isang unibersidad (which is by the way, isang d naman kagalingan na unibersidad), parang napagisip isip kong mali yata ang pinasok kong trabaho. bukod sa isang clerical/administrative job pala ito (na sa pagkakaintindi ko ay dapat na research work talaga with community extension), ay parang nagmumukha na akong kakatwa sa pagiging taga UP ko.

hindi ko alam kung diskriminasyon ba talaga ito o talagang hindi lang kompatibol ang aking pagiging iska sa isang unibersidad na ito. sa mahigit na isang buwan sa unibersidad na pinapasukan ko, ito ang mga bagay d ko mawari kung ang dahilan ba nito ay pagiging taga UP ako o talagang kultura na lang nila ang bagay na ito.

1. people dont accept an "i dont know" type of answer. e sa hindi ko alam e. i cant pretend to know everything. hindi ako perpekto.
   
2. bawal magkamali.
   
3. matataas mga expectations. minimal lang talaga ang dapat na mga mali. ang minor mistakes nagiging big deal. (talagang pinaparamdam nila sa akin kung gano sila kafrustrated sa aking pagkakamaling iyon)
4. ang pagiging idealistic ko ay weird para sa kanila.
5. ayaw nila ng matanong. naiirita sila.
6. pag may tinatanong ako, d ako minsan pinapansin.
7. pag nagbibigay ako ng opinion, iba din ang dating.
8. lahat ng bagay sinisilip nila sa akin. pati raket ko kinukwenta kung magkano ang nakukuha ko.
9. they stereotyped me as being rebelde, palaban, makulit etc. bakit daw hindi ko na lang tanggapin ang bagay bagay ng basta bsta.
10. bilin sa kin ng mga officemates ko na wag ipapaabot sa boss agad pag nagkaroon ng mga problem sa office.pero pag may mga mali ako kahit na maliit na bagay lang e nakakarating sa boss.
11. dinedemand akong magenglish sa lahat ng tao dahil un daw ang policy pero ni isa sa office e walang nag eenglish. at dahil sa walang ngenglish sa office d rin ako ngenglish. so napagalitan ako dahil dun. bakit ako magenglish kung lahat ng tao kinakausap ako sa tagalog.
12. bawal biruin ang mga mga superiors. pero dahil sa friendly ako, hinihiritan ko minsan ang boss namin pati ang mga deans. nagugulat ang mga officemates ko dahil dun. at mula noon ay pinagbawalan akong gawin un.
13. open target ako sa pambabara ng mga tao.
14. may mga bagay na pag ginawa ko or sinabi ko e may magcomment agad na, "taga UP ka nga!"
15. tingin ng mga officemates ko na wala akong pakealam sa mundo.
16. may mga hirit din ang mga officemates na "walang ganyan dito, hindi ito UP!"
17. bawal kwestiyonin ang sistema, kultura at pagiisip ng mga tao. duh!
18. may mga trabaho na gusto ipasa agad sa akin kahit wala pa kong alam sa bagay na iyon.
19. ayaw akong bigyan ng pagkakataon para umakyat.
    
20. ginagawa akong aktibista at taga salo ng mga potential pananabon ng boss.

alam kong napakarami ko pang pwdeng baybayin dito at aabutin ako ng magdamag sa paglilitanya ng mga karimarimarim na mga bagay. pero eto talaga ang tumatak sa utak ko habang naglunch kami ng mga officemates ko. sabi ng senior namin(pangalawang boss), "kung d mo na kaya ang sistema dito, mabuti pang magresign ka na lang."

hmmm..sige,paghahandaan ko ang araw na iyan.

second degree

given the chance, what degree will i take after my BS forestry degree in UP?

di ko pa rin alam talaga since i have a wide range of interests pero i want to try my best to do everything i am passionate about before i die. siguro, eto muna ang pinakagusto kong mga courses na i-take sa kahit saang UP system.

(random order)

1. Certificate in Professional Teaching (tama ba?)
UPOU
di man ito pang masterals e ok lang kasi at least i could earn 18 units to take LET. pwde akong magaral at the same time e magtrabaho. hindi hassle sa mga plano sa buhay.

2. Educ/ Human Ecology
UPD/UPLB
hindi ba obvious na gusto kong maging isang guro?

3.sociology/anthropology
UPLB/UPD
may background na ako sa courses na ito dahil major ako ng social forestry. ngayon ko lang college nadiscover ang passion ko dito. siguro dahil sa sobrang bilib talaga ako sa passion din ng adviser ko bilang isang anthropologist

4.interior design
UPD
ito na yata ang first love ko. sa sobrang love ko to, talagang nafrustrate ako dahil hindi ako nakapagshift dito due to personal reasons. given the chance gusto ko pa ring maging in-line sa arts.

sa ngayon, wala pa talagang linaw para sa akin kung ano sa mga ito ang true love ko. alam kong kung kukunin ko ang lahat ng mga eto e di parang sinabi ko na rin na mag-aaral na lang ako habang buhay. di ko naman pinangarap na maging katulad ni aristotle. basta ang sa akin lamang ay gusto kong ma enjoy ang lahat ng mga bagay na nais kong gawin sa buhay. abutin man ako ng 80 y.o. bago ko makuha ang second degree, ok lang basta mapagbigyan ko lang ang hilig ko.

UPCAT (maling title)

last day of UpCAt today! excited na ako at kinakabahan para sa lahat ng mga high school students (pati na rin sa mga magulang) na nag aasam na mapabilang sa Unibersidad ng Pilipinas.
(ang yabang!)

Bagamat gradweyt na ako sa ganitong karanasan, di pa rin nawawala sa aking alaala ang aking mga UP experiences... haay, ang sarap balik-balikan ng buhay UP. nariyan ang buhay estudyanteng walang pera, pancit canton and de lata moments, kakanta pag late sa klase, gigisahin at pagtritripan ng prof na bading, pag eexam ng buong maghapon ( parang nag UPCAT ka ng 2 rounds!), pag aaral ng walang patumangga at cyempre ang pangongolekta ng mga bagsak na quizzes... lahat ng ito, napakasarap balik balikan, kahit na namumugto na mata ko noon sa pag iyak sa hirap ng paggawa ng manuscript, natatawa na lang ako ngayon at nagpapasalamat at naranasan ko ang mga bagay na ito. hindi masusukat ang tagumpay ng walang mga mapapait na karanasan. masaya ako at naging bahagi ako ng unibersidad na ito.

kayat para sa mga estudyanteng nais mapabilang sa unibersidad, nawa ay mapabilang kayo sa UP nang maranasan nyo din ang ibat ibang mga karanasan dito. sana ay mabuo nyo ang inyong mga pangarap sa unibersidad na ito.

para sa mga estudyanteng ngayon ay nasa UP (para sa mga fresh meat), alam nyo na sigurong hindi puro yabangan lang dito. ang pagpasa nyo sa UP ay hindi dahilan para may maipagmalaki na kayo sa inyong mga kaibigan sa mga high school reunions. wala pa kayong maipagmamalaki dahil wala pa kayong napapatunayan. UPCAT pa lang ang naipasa nyo (at ilang mga exam ng mga profs nyo) pero hindi pa ito sapat. lagi nyong tandaan na hindi pagpasa sa UPCAT ang basehan para masabing ikaw ay matalino. lahat ng mga kaklase mo, batchmates mo, ka-course mo etc. ay matatalino. tapos na ang patalinuhan stage. ngayong nsa UP na kayo, back to zero na ulit. e ano ngayon kung valedictorian ka sa barangay nyo? pasipagan, tyagaan at willingness (anong filipino word nito?) upang matuto ang bakbakan dito.

para sa mga gradweyting, konti na lang at matatapos na ang lahat ng paghihirap nyo (sa ngayon! hehehe....) siguro konting puyat at suyo pa sa mga advisers nyo ay malalampasan nyo din ang lahat. iyak lang hanggat gusto nyo. ayos lang mapagod. matuto pa ring pangalagaan ang sarili dahil walang saysay yan kung bukas o makalawa e natigok na kayo sa sobrang pagod nyo sa paggawa ng thesis.

at para sa mga fresh grads ( ibibilang ko na lang ang sarili ko dito), ang tagal kong hinintay ang panahong ito para magyabang sa lahat na gradweyt na ako ng UP. pero hanggang sa ngayon ay di ko pa rin maggawang iwasiwas ang diploma ko na (btw, may centennial logo pa ha!) UP graduate na ako. siguro nga tumatanda na ako at nagmamature na din. tapos na ang UP angas moments ko (pero lumalabas pa rin sa ilang mga okasyon). alam kong napakarami pang tao ang higit na magaling pa sa akin at may higit na kakayahan kaysa sa akin. sapat na ang masabing isa ako sa mga iskolar ng bayan.

alam kong wala pa akong maipapakitang magandang trabaho, maraming pera o mas mataas na degree. pero ang aking mga karanasan, kakayahan, kaibigan at mga bagay na natutunan sa unibersidad bilang isang iska ang dahilan para maging proud ako na taga-UP ako.

1 msg received

1 message received:

we regret to inform you that the refresher course for forestry graduates is cancelled because we were not able to meet the minimum participants. hope we can conduct next year.

o di ba? ang bongga! nakakainis! talagang nakakainis! ngayon ko lang nbalitaan na may ganitong pangyayari. dissolved ang review class namin dahil walang gustong magbayad ng 7k for the review. cyempre kanya-kanyang dahilan: walang pera, may work, busy et al. hay buhay! gusto ko sanang magkaroon sila ng pera, maraming, maraming pera!

graduation part 1

hooray! hell days are over. no more waking up in the early morning to study. no more cramming. no more paperwork deadlines? im finally out of school. for real! yeah! and a centennial graduate from my dream school.

i can't believe this. i only have these two solo pictures in my camera. what the heck happened?

would you mind if i stop and smile?

korean smile with a magna cumlaude.

and now, what's the next chapter? BOARD EXAM (or bored exam?) yeah. this is the final blow in my school life.